Dagaalka culus ee ka socda degaanka Suuj oo ku dhow Tuulada Garmaal ee Gobalka Nugaal ayaa si aada looga dareemayaa dhulka xeebaha ku dherersan degaanadaasi.
Ciidamada Puntland ayaa bilaabay inay kooxda halkaas kusugan u adeegsadaan hubka culus oo siweyn looga maqlaayo degaanka Garmaal sida uu Puntland Post u xaqiijiyey Goob jooge magaciisa ka gaabsaday, waxayna Ciidanku ku tala jiraan inay kooxahan soo afjaraan saacadaha soo aadan.
Dhinica kale Dadka rayidka ah ee ku dhaqan degaanada ay dagaaladani kasoo cusboonadeen oo katirsan degmooyinka Eyl iyo Dangaroyo ayaa bilaabay inay qayb ka noqdaan dagaalka lagula jiro kooxdan hubaysan, iygaoo si iskood ah isku abaabulaya.
Lama xaqiijin karo inta ay qaadan doonto hawlgalada ay bilaabeen Ciidamada Puntland, waxaanse idiin balan qaadayna inaan idiin soo gudbin doono hadba halka ay xaaladu marayso.
Puntland Post