Ciidamo aad u farabadan oo katirsan kuwa dowlada Soomaaliya ayaa soo buux dhaafiyay saaka Wadooyinka soo gala Madaxtooyada Villa Soomaaliya ee Muqdisho.
Sidoo kale ciidamadaan oo aad u hubeeysan ayaa lagu arkayaa Contoroolada gaadiidka ay ka galaan madaxtooyada.
Ciidamada ayaa si feejigan u baaraya gaadiidka iyo dadka galaya madaxtooyada Villa Soomaaliya.
Albaabada laga soo galo Madaxtooyada oo ah ilaa 4 Albaab ayaa si feejigan ciidamadu u joogaan saaka.
Arintaan ayaa ka dambeeysay kadib markii jimcihii qarax uu ka dhacay mid kami ah contorolada laga soo galo Madaxtooyada Villa Soomaaliya ee Muqdisho.
Xasan Maxamed Samatar Cowke
Puntland Post Muqdisho