Xili Digreeto ka soo baxday Xafiiska Madaxweynaha Soomaaliya Mudane Maxamed Cabdullaahi Farmaajo Xilkii looga qaaday Gudoomiyihii Gobolka Banaadir ahaana Duqii Muqdisho ayaa arintaasi waxaa ka hadlay Shacabka Muqdisho.
Qaar kamid ah Shacabka Muqdisho oo aan la dhex qaaday Cod-baahiyaha Warbaahinta Puntland Post xafiiskeeda Muqdisho ayaa ka hadlay dareenkooda sida ay u arkaan Xil ka qaadistaasi.
Qaar kamid ah dadka aan la hadalnay ayaa sheegay in ay tahay wax laga xumaado xil ka qaadistaasi islamarkaasina Madaxweynaha uu ku deg degay go’aankaasi.
sidoo kale dadka qaar ayaa sheegay in uu ku saxnaa Madaxweynaha go’aankaasi iyaga oo sheegay in Ex-Gudoomiye Thaabid uu doonayay in Muqdisho uu maamul ka madax banaan dowlada uu u sameeyo.
Hadal heeynta ugu balaaran ee dhulka Soomaalida ayaa ah maanta xil ka qaadista Thaabid Cabdi Maxamed Gudoomiyihii Gobolka Banaadir kaasi oo qilaaf isaga iyo madaxda soo kala dhexgalay xilkii looga qaaday.
Hoos ka dhageyso Warbixin Wariyaha PP ee Muqdisho
Xasan Maxamed Samatar Cowke
Puntland Post, Muqdisho