Maamulka Koofur Galbeed ayaa Sheegay in Magaalada Marko ay kula Dagaalamayaan Ciidamo ka tirsan Al-shabaab oo huwan Shaati Qabiil islamarkaan dhawaan soo galay Gudaha Dagmadaasi si ay ganacta ugu dhigaan.
Ku simaha Madaxweynaha ahna Wasiirka Beeraha Maamulka Koofur Galbeed Maxamed Xasan Fiqi ayaa warbaahinta u Xaqiijiyey in ay Dagaal ku la jiraan Kooxo ka tirsan Al-shabaab oo Qorshanaya inay si-rasmi ah u la Wareegaan Magaalada Muhiim ka ah ee Marko oo ah Xarunta Gobalka Shabeellaha Hoose
Wasiir Fiqi ayaa meesha ka Saaray in Magaalada Marko ay ku Dagaalamayaan Maleeshiyo Beeleed Hubsan, asagoo Caranka ku Adkeeyey in Dagaalkaasi uu u Dhexeeyo Ciidamada Maamulka Koofur Galbeed oo ay Wehliyaan kuwa Xooga Dalka Soomaaliyeed iyo Al-shabaab oo ku Dhex-limmay Dadka Magaaladaasi.
Xiisad ka Dhalatay Hadalka Wasiir Fiqi ayaa maanta laga Dareemayaa Magaalada Marko iyo deegaano hoos-yimaada oo ka mid ah meelaha ay dagaan Maleeshiyaadka ku Dagaalamaya Magaaladaasi.
Dhanka kale Xildhibaano ka tirsan Baarlamaanka Dowladda Federaalka Soomaaliya ayaa wax laga Xumaado ku Tilmaamay Hadalka ka soo Yeeray Maamulka Koofur Galbeed ee ku Aadan Colaada Magaalada Marko oo ay Sheegeen inay ku Dagaalamayaan Maleeshiyaadka 2-beelood oo wada daga Magaaladaasi.
Xasan Maxamed Samatar Cowke
Puntland Post Muqdisho.