Madaxweynaha Puntland oo Muqdisho kulan kula qaatay Danjiraha Turkiga u fadhiya Soomaaliya

Madaxweynaha Dawladda Puntland Dr. Cabdiweli Maxamed Cali Gaas oo hawlo shaqo u jooga Casimada Soomaaliya ee Muqdisho ayaa Maanta 31 December 2016 waxa uu kulan kula qaatay magaalada Muqdisho danjiraha Dawladda Turkiga u fadhiya Soomaaliya.

Kulankan oo kadhacay xarunta safaarada Turkiga ee magaalada Muqdisho ayaa waxaa madaxweynaha iyo danjire Oglan Bekar kaga wadahadleen arrimo la xiriira xiriirka soojireenka ee Dawladda Puntland iyo Dawladda Turkiga, mashaariicaha hurumarineed ee Dawladda Turkigu ka fuliso Puntland iyo abaaraha baaxadaleh ee ka jira Puntland.

Ugu horayn, Madaxweynaha Dawladda Puntland Dr. Cabdiweli Maxamed cali Gaas ayaa kala hadlay Danjiraha Dawladda Turkiga u Fadhiya Soomaaliya wanaajinta iyo dar-dar gelinta xidhiidhka soo jireenka ah  ee ka dhexeeya Dawladda Turkiga iyo Dawladda Puntland.

Sidoo kale Madaxweynaha Dawladda Puntland ayaa Danjiraha Dawladda Turkiga uga xog waramay xaaladda abaareed ee ka jirta Puntland, islamaarkaana waxa uu madaxweynu tibaaxay inay muhiim tay in laga arrinsado sidii looga wadda qayb qaadan lahaa Gurmadka loo fidinaayo dadka abaaruhu sameeyeen, geesta kale madaxweynaha ayaa kala hadlay safiirka mashaariicaha horumarineed ee ay Dawladda Turkigu ka filiso Puntland iyo sidii loo sii horumarinlahaa loona dardar gelin lahaa.

Danjiraha Dawladda Turkiga u fadhiya Soomaaliya Mr. Oglan Bekar ayaa dhankiisa sheegay inay diyaar u yihiin horumarinta iyo xoojinta xidhiidhka labadda Dhinac.

Dhinaca kale Mr. Oglan Bekar  ayaa cadeeyey inay Gacan ka gaysan doonaan gurmadka abaareed ee lagu caawinayo dadka abaartu wax yeelaysay ee reer Puntland, sidoo kale danjiraha ayaa tilmaamay inay diyaar u yihiin horumarinta mashaaricaha horumarineed ee Dawladda Turkigu ka fuliyaan Dawladda Puntland.

Ugu danbayn, Madaxweynaha Dawladda Puntland Dr. Cabdiweli Maxamed Cali Gaas ayaa markasta ku hawlan sidii dawladda puntland iyo shacabkeedu beesha caalanka ula yeelan lahaayeen xidhiidh suurto geliya horumarinta danaha shacabka iyo kan dawladda.

–DHAMAAD—

 XAFIISKA WARFAAFINTA WACYIGELINTA HIDAHA IYO DHAQANKA EE MADAXTOOYADDA DAWLADDA PUNTLAND.

img_1034 img_1040 img_1056 img_1058 img_1059 img_1061 img_1068 img_1072 img_1092 img_1097 img_1100 img_1105 img_1109 img_1115 img_1121

 

 

 

 

Leave a Reply

Your email address will not be published. Required fields are marked *