Agaasimaha Warfaafinta, wacyigeligelinta, Hiddaha iyo Dhaqanka ee Madaxtooyada dawladda Puntland Abwaan Cabdirashiid Yuusuf Jibriil ayaa maanta safar shaqo oo la xidhiidha u kuurgalka xaaladaha deegaanka gaar ahaan xaaladda nabad-gelyada guud ee gobolka ku tegey magaalada Badhan ee Xarunta Gobolka Sanaag.
Agaasimaha waxaa duleedka degmbada Badhan kusoo dhoweeyey maamulka gobolka Sanaag, kan Degmada Badhan, saraakiisha ciidanka Booliiska iyo Daraawiishta gobolks Sanaag iyo boqollaal dadweyne ah oo isugu jira qaybaha kala duwan ee bulshada gobolka.
Socdaalka agaasimaha ayaa sidoo kale daarran sidii looga hortegi lahaa khal-khalka siyaasadeed ee maamulka Soomaaliland uu ka wado gobolka Sanaag ee ay doonayaan in ay ka hirgeliyaan waxa ay ugu yeereen doorashooyina maamulkaasi.
Agaasimaha oo ku hadlaya afka dawladda Puntland ayaa uga digey Maamulka Somaliland in ay ka khal-khalkaasi siyaasadeed ee ay ka wadaan gobolka, haddii ay dhegaha ka furaystaan ayuu tilmaamay In ay dusha u ridan doonaan cawaaqib xumada ay kala kulmaan ficilladaasi daan-daansiga ah.
Sidoo kale Beesha Caalamka, ururka Jaamicadda Carabta iyo urur goboleed IGAD ayuu Agaasimugu ugu baaqay in ay isha ku hayaan khal-khalka nabad-gelya darro ee uu maamulka Somaliland ka wado gobolka Sanaag oo ah dhul looga bartay xasillooni iyo nabad-gelyo gaamurtey.
Abwaan Cabdirashiid Yuusuf Jibriil Agaasmiha waxa uu kulamo la qaadan doonaa muddada uu ku sugan yahay magaalada Badhan ee Xarunta gobolka Sanaag qaybaha kala duwan ee Bulshada gobolka, maamulka gobolka, kan Degmada iyo laamaha ammaanka gobolka.
—DHAMMAAD—
XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.
