Hoggaamiye Cabdiqaadir Axmed Aw-Cali oo booqasho rasmiya ku jooga Dalka Jibuuti ayaa maanta kulan la qaatay Madaxda u sarraysa Ururka IGAD oo uu hoggaaminayey Xoghaye kuxigeenka Sare ee IGAD Mud. Maxamed Cabdi Waare.
Hoggaamiyaha ayaa warbixin guud madaxda IGAD ka siiyey horumarka, Nabadda, Xasilloonida iyo Dawlad-dhiska Maamulka SSC-Khaatumo.
Madaxda IGAD ayaa dhankooda Hoggaamiyaha kala hadlay sidii geeska Afrika looga heli lahaa nabad waarta oo ku dhisan is qaddarin iyo deris-wanaag, iyo doorka uu ururku ka qaadan karo xal u helidda arrimaha geeska.
Hoggaamiyaha ayaa hoosta ka xarriiqay in Shacabka iyo Maamulka SSC-Khaatumo diyaar u yihiin ka shaqaynta iyo horumarinta adeegyada bulshada, ka qayb qaadashada dawlad-hiska Soomaliya iyo sidoo kale nabad kula noolanshaha derisyada.
Kulanka ayaa waxaa ku weheliyey Hoggaamiyaha xubno ka tirsan Golaha Wasiirada iyo La taliyayaasha sare ee Hoggaamiyaha.
PUNTLAND POST
You must be logged in to post a comment.