Puntland ayaa sheegtay in aysan ogolaan doonin in shirkadda laga leeyahay Turkiga ee SOMTURK ay xeebeheeda ka fuliso howlgallo la xiriira ilaalinta xeebaha iyo kalluumeysiga.
Puntland ayaa war-saxaafadeed ay soo saartay ku sheegtay in ay iyadu leedahay awoodda dastuuriga ah ee maamulka, ilaalinta iyo ka faa’iidaysiga kheyraadka dhulka iyo badda ee ku jira deegaannadeeda.
Puntland waxay xustay in Dowladda Federaalka aysan sharci ahaan u lahayn in ay bixiso heshiisyo ama rukhsado quseeya kheyraadka Puntland, iyada oo aan wadatashi iyo heshiis lala gelin dhankeeda.
Puntland waxay ku hanjabtay in ay tallaabo ka qaadayso isku day kasta oo aan ogolaansho haysan oo lagu farageliyo xeebaheeda, iyada oo tilmaantay in ay ciidankeeda ka hortagayaan ficillo lagu sheegay kuwa sharciga hareer marsan.
PUNTLAND POST