Wararka ka imaanaya degmada Buurtinle ee gobolka Nugaal ayaa sheegaya in dabley hubaysan maanta xirteen laamiga weyn ee dhexmara magaalada kaasi oo isku xira gobollada dalka.
Dabley gadoodsan oo ka cabanaya canshuur lagu kordhiyay gaadiidka ayaa xirtay laamiga Buurtinle kaddib markii ay isbaaro dhigteen bartamaha laamiga taasi oo xannibtay guud ahaan isu socodkii gaadiidka.
Gaadiid badan oo ay saamaysay tallaabadani ayaa hadda ku xanniban degmada Buurtinle waxaana istaagay isu socodkii gaadiidka ee laamiga dheer ee Garoowe iyo Gaalkacyo halkaasi oo ay maalin kasta isticmaalaan boqollaal gaadiid ah.
Kooxda gadoodsan ee laamiga Buurtinle xirtay ayaa sheegay in ay dalbanayaan in la joojiyo canshuur ay dowladdu ku kordhisay gaadiidka oo ay ku tilmaameen mid saa’id ah oo aysan aqbali karin balse dowladdu weli kama jawaabin cabashadooda.
PUNTLAND POST
You must be logged in to post a comment.