
Goosankii duqeymaha ka fiigay ee firxadkii dagaallamayaasha Daacish oo ku go’doonsan ceelka Miraale ayaa wajahaya xaalad afjar ah, waxaana sida qorshaysan saaacadaha soo socda ku bilaaban doona hawlgal xooggan oo dhinac dhulka ah.
Cutubyo ka tirsan ciidamada difaaca dowladda Puntland oo si buuxda u qalabaysan ayaa saaka jiho kasta kaga siqaya ceelka Miraale, oo ay ku dhuumanayaan hambadii duqeymaha ka fiigay ee dagaallamayasha argagixisada, kuwaasi oo haatan ku sugan xaalad xaraarug ah.
Dhinaca kale, dowladda Puntland oo bayaan kooban ka soo saartay duqeymihii shalay Mareykanku ka fuliyay togga Miraale iyo nawaaxigiisa ayaa sheegtay in halkaasi lagu laayay firxadkii mileeshiyaadka Daacish, sida ku xusan bayaanka oo luuqadda English-ka ku qoran.
Wejiga saddexaad ee hawlgalka dagaalka Calmiskaad oo muddooyinkii danbe socday ayaa haatan maraya marxalad dhammaystir ah, siday sheegeen saraakiisha hoggaaminaysa ciidamada difaaca Puntland oo dhawaan warbaahinta la hadlay.
PUNTLAND POST
You must be logged in to post a comment.