Ciidamada Booliska dowladda Puntland, oo kaashanaya odayaasha degaanka ayaa hawlgal lagu burburinayo hogo-dhuxuleed ka sameeyay tuulooyinka Xarka-dheer iyo Habar-hunbulle oo ka tirsan degmada Badhan ee gobolka Sanaag.
Ciidanka Saldhiga Booliska degmada Badhan, oo kaashanaya odayaasha degaannada Habar-humbulle iyo Xarka-dheer ayaa ku guulaystay in ay burburiyaan hogo dhuxusha laga shidayay miyiga degmada Badhan iyo tuulooyinka hoos yimaada.
Ciidanka Booliska ayaa burburiyay in ka badan 10 hogood oo laga shidayay dhuxusha, waxaana ay gacanta ku dhigeen afar maxbuus oo ku hawllanaa shidista dhuxusha iyo dhammaan agabkii dhuxulaysatadu isticmaalayeen sida ay sheegeen saraakiisha Booliska degmada Badhan.
“Ciidanka Saldhiga Baran ee Booliska ayaa inta ay ku jireen H!wlgalkaan waxay gacanta ku dhigeen 4Maxbuus kuwaas oo dhawaan sharciga La horgeyn doono” ayaa laga soo xigtay saraakiisha Booliska degmada Badhan ee gobolka Sanaag.
PUNTLAND POST
You must be logged in to post a comment.