Dagaal maalintii labaad galay oo u dhexeeya ciidamada Somaliland iyo kuwa SSC-khaatumo ayaa ka soconaya magaalada Ceerigaabo ee xarunta Sanaag.
Dagaalka labada dhinac ayaa shalay bilowday kadib markii ciidamada Somaliland weerar ku qaadeen daanta Ceerigaabo ay ka deggan yihiin Reer SSC-khaatumo halkaasi oo ay amnigeeda sugayeen ciidamada SSC.
Inta badan xaafadaha Ceerigaabo oo dhawaanahan laga bara-kacay ayaa waxa isku hor-fadhiya ciidamada SSC-khaatumo iyo kuwa Somaliland waxaana saaka socda dagaal goos goos ah oo bilowday subaxnimadii hore.
Weli tiro-koob sugan lagama hayo Khasaaraha ka dhashay dagaalka tan iyo shalay ka socda Ceerigaabo waxaana labada dhinac u yimid gurmadyo kala duwan taasi oo muujinaysa in xaaladdu ka sii dari karto.
PUNTLAND POST
You must be logged in to post a comment.