Madaxweyne Axmed Madoobe ayaa markii saddexaad maanta oo Isniin ah ku guuleystay Xilka madaxweynaha dowlad goboleedka Jubaland.
Guddiga doorasha Jubaland oo si rasmi ah u shaaciyay natiijada doorashadii madaxweynaha Jubaland ee saaka ka qabsoontay Kismaayo ayaa sheegay in markii saddexaad dib loo doortay Axmed Maxamed Islaam (Axmed Madoobe).
Madaxweyne Axmed Madoobe ayaa ku guuleystay codad dhan 55 cod halka musharrixiintii ku soo xigtay ay kala heleen 16 cod iyo 4 cod sida ay sheegeen guddiga doorashada Jubaland oo ku dhawaaqay natiijadii codaynta.
Tan ayaa imaanaysa xilli dowladda federaalka Soomaaliya ay si adag uga hortimid tallaabada Axmed Madoobe ku qabsanayo doorashada islamarkaana ay ku tilmaantay mid sharci darro ah oo aaney aqbali doonin.
PUNTLAND POST
You must be logged in to post a comment.