Madaxweynaha la doortay ee Somaliland, Cabdiraxmaan Maxamed Cabdillaahi (Cirro) ayaa saaka kulankii u horreeyay tan iyo intii uu xilkan ku guulaystay la yeeshay saraakiisha Ciidamada Somaliland.
Qoraal kooban oo ay faafisay warbaahinta Somaliland ayaa lagu sheegay in madaxweynaha la doortay ee Cabdiraxmaan Cirro uu kulan la yeeshay taliyaha ciidamada Somaliland, oo ay weheliyaan saraakiisha ciidamada.
Dhinaca kale, dabbaal-degyo lagu soo dhaweynayo madaxweynaha la doortay ee Somaliland Cabdiraxmaan Cirro ayaa xalay ka dhacay magaalooyin ka tirsan Somaliland, oo ay ku jiraan Burco iyo Hargeysa, sida ay muujinayaan muuqaallo lagu baahiyay baraha bulshada.
Madaxweynaha la doortay Cabdiraxmaan Maxamed Cabdullaahi Cirro oo shalay khudbad jeediyay, kadib markii lagu dhawaaqay natiijada doorashada ayaa isagu ku baaqay in la joojiyo dabbaaldegyada guusha sababa la xiriira geeridii ku timid madaxweynihii hore ee Somaliland Axmed Siilaanyo.
PUNTLAND POST
You must be logged in to post a comment.