Madaxweynaha Turkiga Recep Tayyip Erdogan ayaa sheegay, in laga yaabo in Turkiga uu gudaha u galo Israa’iil, si la mid ah sidi ay horay uga sameeyeen Liibiya iyo Nagorno-Karabakh.
Erdogan, oo si aada u dhaleeceeya duullaanka ay Isra’il ku qaadday Gaza, ayaa hadalkaan jeediyay xilli uu ka hadlayay horumarka uu dalkiisa ka sameeyay wax soo saarka qalabka difaaca.
“Waa inaan aad u xoog banaanno si aysan Israa’iil wax yaabahan lagu qoslo uga sameyn Falastin. Sidi aan u galnay Liibiya iyo Karabakh, waxaa dhici karta inaan si la mid ah iyaga ku sameyno” ayuu yiri madaxweyne Erdogan.
Kaddib markii Madaxweynaha Turkiga , Erdogan uu ku hanjabay in ay geli karaan Israa’iil, waxaa hadal hanjabaad ah ugu jawaabay Wasiirka Arrimaha dibadda Israa’iil.
Wasiirka ayaa bartiisa X ku baahiyay sawirka Erdogan iyo Saddaam Xuseen oo uu ku soo dul qoray; “Erdogan ayaa raacay waddadii Saddaam Xuseen, wuxuuna ku hanjabay inuu weerari doono Israa’iil. Kaliya ha xasuusto wixii dhacay iyo sidii ay ku dhammaatay.”
PUNTLAND POST
You must be logged in to post a comment.