Wasaaradda Arrimaha Gudaha, Federaalka iyo Dimuqraadiyeynta Puntland ayaa laashay heshiis ay xisbiyada Kaah iyo Muqtabal ka galeen degmooyinka Buursax iyo Xumbeys ee gobolada Mudug iyo Kaarkaar, kaddib markii ay xisbiyaddaas ku heshiin waayeen in ay wada dhistaan degmooyinkaas.
Qoraal ka soo baxay wasaaradda ayaa lagu sheegay in heshiiskaas la buriyay, guddoomiyaha iyo guddoomiye ku xigeenka degmooyinkaasna ay ku imaanayaan tartan doorasho oo xubnaha golahu dooranayaan si-xor iyo xalaal ah.
Wasaaradda ayaa fartay guddoomiyaasha gobolada Mudug iyo Karkaar in ay u diyaar garoobaan doorashada degmooyinka Bursaalax iyo Xumbays, kuwaas oo wasaaraddu sheegay in ay dhawaan soo mudayn doonto xiliga la qabanayo doorashada guddoomiyaha iyo guddoomiye ku xigeenka.
25 Maajo ee sanadkii hore ayay dhacday doorashada degmooyinka Puntland, waxaana weli jira degmooyin badan oo aan weli loo dhisin maamul, khilaaf jira awgiis.
PUNTLAND POST
You must be logged in to post a comment.