Maxkamadda racfaanka gobolka Banaadir ayaa maanta ku dhawaaqday go’aanka kiiska Sayid Cali Macalin Daa’uud iyadoo ku xukuntay dil toogasho ah.
Maxkamadda ayaa axaddii soo gabagabeysay dhageysiga kiiskan, waxaana hore maxkamadda gobolka Banaadir ay lixdii Maarso dil toogasho ah ugu xukuntay Sayid Cali Macallin Daa’uud, kaas oo ay racfaan ka qaateen qareennadiisa.
Guddoomiyaha maxkamadda rafcaanka gobolka Banaadir Siciid Cali Maxamed oo daliishanaya caddaymaha kiiskan iyo aayadaha kusoo arooray dilka bareerka ah ee uu geysto qofka qaan gaarka ah ayaa ku dhowaaqay go’aanka maxkamadda oo ah in dil toogasho ah lagu fuliyo Sayid Cali kaas oo ah qisaasta allaha u naxariistee Luul Cabdicasiis.
Abuukaate Cali Xalane oo qareen u ah Sayid Cali wuxuu sheegay in aysan ku qanacsanyn go’aanka maxkamadda racfaanka oo ay dacwadooda u gudbisanayaan maxkamadda sare.
PUNTLAND POST
You must be logged in to post a comment.