Madaxweynaha Maraykanka Joe Biden ayaa mar kale ku celiyay hadalkiisii ahaa in waddamada Carabta ay sugayaan kaliya dagaalka Qasa in la soo afjaro si ay u aqoonsadaan Israa’iil.
Waxyar kaddib Hadalka Biden, wargeyska Washington Post ayaa soo bandhigay in uu si qarsoodi ah Mareykanka u ansixiyay bambooyin iyo diyaaraha dagaalka oo la siinayo Israa’iil.
Wargeyska Washington Post ayaa sheegay in bambooyinkaasi ay ku jiraan 1,800 oo bam gaar ahaan noocyada MK82 iyo MK84, oo miisaankoodu u dhaxeeyo 500 illaa 2000 rodol.
Maamulka Biden ayaa maalmihii la soo dhaafay si aamusnaan ah u oggolaaday in balaayiin doollar oo bambaanooyin iyo diyaaradaha dagaalka lagu wareejiyo Israa’iil.
Israa’iil ayaa dhankeedaa isku diyaarinaysa inay duulaan ku qaado halka ay u qaxeen dadka ka barakacay Qasa ee Rafah oo la qiyaasayo in ka badan hal milyan iyo bar dad ah inay halkaa gabaad u tahay.
PUNTLAND POST
You must be logged in to post a comment.