Ciidanka badda Hindiya oo shaaciyay in ay isu dhiibeen koox burcad-badeed Soomaali ah

Ciidanka badda dowladda Hindiya ayaa xalay shaaciyay in ay isu soo dhiibeen koox burcad-badeed ah oo af-duub ku haystay doonni kalluumeysi.

Burcad-badeedda Soomaalida ah ee isu dhiibay Ciidanka badda Hindiya ayaa afduub u haystay doon kalluumaysi oo laga leeyahay Iran oo lagu magacaabo Al-Kambar.

Doonta waxa saarnaa 23 shaqaale u dhashay dalka Pakistan, kuwaasi oo hadda la sheegay in ay dhammaantood badqabaan.

Howlgalka ay kooxdan isku soo dhiibtay markabka INS Sumedha ee ciidanka badda Hindiya ayaa ka socday muddo 12 saac ah meel qiyaastii 90 nm koonfur-galbeed ka xigta jasiiradda Socotra.

PUNTLAND POST