![](https://i0.wp.com/puntlandpost.net/wp-content/uploads/2024/03/FB_IMG_1710202236156.jpg?resize=720%2C509&ssl=1)
Madaxweyne Siciid Cabdullaahi Deni ayaa shaaciyay in aysan Ciidamada Puntland ka soo bixi doonin difaaca hore ee degaannada SSC-Khaatumo.
Madaxweyne Siciid Deni ayaa sheegay in aysan difaaca hore ee dhulka SSC ka soo bixi doonin ciidamadii Puntland ee ka qayb-qaatay dagaalkii Laascaanood looga saaray Somaliland.
” Ciidamada Puntland waxay sii wadi doonaan garab istaaga SSC-khaatumo waxaana ay ciidamadu qayb ka sii ahaan doonaan difaaca dhulka SSC iyo taageeridda dhinaca agabka iyo saanadda” ayuu yiri Madaxweyne Deni.
Waxa kale oo uu ballan-qaaday in Puntland ay joogtayn doonto bixinta mushaarka iyo xuquuqda kale ee Ciidamada ku sugan difaaca hore ee dhulka SSC-khaatumo.
Dhinaca kale waxa uu sheegay in xukuumadda Puntland ixtiraam buuxa u hayso masiirka iyo aaya-ka-tashiga dadka reer SSC islamarkaana kula shaqayn doonto mowqifkooda.
PUNTLAND POST
You must be logged in to post a comment.