Madaxa hay’adda Qaramada Midoobay u qaabilsan caawinta Falastiiniyiinta ayaa maanta shaacisay in dadka rayidka ah ee ku nool Marinka Qaza ay la kulmaan ciqaab wadareed iyo barakicin khasab ah.
“Xabbad joojin bini’aadantinimo oo degdeg ah waxay noqotay arrin nolol iyo geeri u ah malaayiin,” Guddoomiyaha UNRWA, Philippe Lazzarini ayaa ka sheegay shir degdeg ah oo Golaha Ammaanka ee Qaramada Midoobay ka yeeshay xaaladda Qaza.
Dhinaca kale Israa’iil ayaa sheegtay in uu jiro qorshe lagu daadgureynayo dadka dhaawaca ah ee ay xamili waayeen isbitaallada Qaza, lana geynayo maraakiib ku soo xiran doona xeebaha Qasa, kuwaaso oo ay ku sheegeen in ay bixin karaan adeegyada caafimaad ee ay dhaawacyada u baahanyihiin.
Ma cadda maraakiibka sida isbitaalka u shaqeynaya cidda leh, balse waxaa soo baxaya suurtagalnimada qorshe uu dejiyay Turkiga.
PUNTLAND POST
You must be logged in to post a comment.