Dayax gacmeed lagu magcaabo Luna-25 oo Ruushku leeyahay ayaa ku dul burburay dayaxa dushiisa, sida ay sheegtay wakaaladda sahanka hawada sare ee Ruushku.
Wakaaladda ayaa sheegtay in si aan hore loo sii saadaalin uu u dhaqaaqay dayax-gacmeedku, ka dibna la waayay isgaadhsiintii lagula xiriirayay, isaga oo ugu dambayn ku dhacay oogada sare ee dayaxa.
Sabtidii ayay ahayd, markii ay wakaaladda sahanka sare ee Ruushku ay sheegtay inay lumisay xiriirkii ay la lahayd dayax-gacmeedka.
Aaladan loo diray hawada sare ayaa loo qorsheeyey inuu ku dego cidhifka koonfureed ee dayaxa, maalinima Isniinta, iyada oo la filayo in toddobaadkan dhammaadkiisa uu isna dayaxa gaadho, dayax-gacmeed kale oo laga leeyahay dalka Hindiya.
PUNTLAND POST
You must be logged in to post a comment.