Xiisad colaadeed ayaa sida lagu soo warramayo ka taagan magaalada Ceerigaabo ee xarunta Gobolka Sanaag.
Iska hor-imaad hubaysan oo xalay ka dhacay Ceerigaabo ayaa sababay khasaare dhimasho iyo dhaawac leh sida laga soo xigtay dadka degaankaas.
Iska hor-imaadka ayaa dhexmaray ciidamada Somaliland iyo qayb kamid ah dadka degaanka oo ka horyimid in xuska 18-ka May lagu qabtay Ceerigaabo.
Xiisadda ayaa weli taagan waxaana qayba kamid ah magaalada laga dejiyay calanka Somaliland iyadoo la saaray calanka SSC-Khaatumo.
PUNTLAND POST