Milateriga Israa’iil ayaa weerarro xagga cirka ah ku qaaday koonfurta Lubnaan iyo marinka Qaza ka dib weerarro gantaallo ah oo lagu qaaday deegaanno kamid ah dalkaasi.
Israa’iil waxay ku dhawaaqday inay duqeysay koobfurta Lubnaan,sida ay ku sheegtay bayaan kooban oo ay soo saartay maanta, iyadoo sheegtay inay beegsanayso goobo ay ku sugnaayeen Xamaas.
Saacado ka hor, waxa ay duullaan ku qaadday Gaza, oo ah deegaan ay leeyihiin Falastiin oo go’doonsan,isla markaana ay maamulaan Xamaas.
Ma jiraan warar degdeg ah oo sheegaya khasaaraha ka dhashay weerarada xagga cirka ah.
Xiisadaha soo kordhay ayaa daba socda kadib markii ciidamada Israa’iil ay gudaha u galeen masjidka Al-Aqsa ee ku yaalla bariga magaalada Quddus , iyagoo weerarro ku qaaday dad Falastiiniyiin ah oo isugu soo baxay gudashada cibaadada Alle ee bisha Ramadaan.
PUNTLAND POST
You must be logged in to post a comment.