![](https://i0.wp.com/puntlandpost.net/wp-content/uploads/2022/11/FB_IMG_16677441563893725.jpg?resize=720%2C720&ssl=1)
Madaxweynaha dowladda federaalka Soomaaliya Xasan Sheekh Maxamuud ayaa Nasa Ige u magacaabay la-taliyaha xiriirka caalamiga ah iyo isuduwaha barnaamijyada.
Qoraal ka soo baxay Villa Somalia ayaa lagu yiri “Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa u magacaabay Mudane Nasa Ige in uu noqdo Lataliyaha xiriirka caalamiga ah iyo isuduwaha barnaamijyada”.
“Madaxweynaha ayaa tilmaamay in mudane Nasa Ige uu aqoon iyo waayo aragnimo ku filan u leeyahay hannaanka faca weyn ee diblumaasiyadda dalkeenna, duruufaha ku xeeran iyo ahmiyadda xiriir caalamiga ah” ayaa la raaciyay.
Madaxweyne Xasan Sheekh ayaa tan iyo markii la doortay magacaabayay la-taliyeyaal farabadan oo ay ka mid yihiin siyaasiyiin caana.
PUNTLAND POST
You must be logged in to post a comment.