Siyaasi Axmed Siciid Aw Nuur oo ka tirsan urur siyaasadeedka Mideeye ayaa ugu baaqay Madaxweynaha Puntland Siciid Cabdullaahi Deni in uu la hadlayo shacabka oo u caddeeyo qorshihiisa ku aadan dimuqraadiyeynta.
Axmed Siciid oo hadal ka jeediyay goob fagaare ah ayaa yiri “Madaxweyne Siciid Cabdullaahi Deni makarafoonka soo istaag oo shacabka Puntland la hadal, warkaaga caddee oo taladaada sheeg oo wixii xalay aad noo sheegtay dadka u sheeg”.
“Xalay waxyaabaha aad noo sheegtay waxaa ka mid ahaa in aadan ku darsi iyo khayaamo jeebka kuugu jirin, bannaanka la soo istaag oo dadka u caddee baan ku leeyahay” ayuu raaciyay.
Axmed Siciid oo ka mid ahaa madaxdii ururada siyaasadda ee habeen hore la kulmay madaxweynaha Puntland, wuxuu sheegay in ay muhiim tahay doorashada goleyaasha deegaanka si buu yiri dalku u yeesho saddex xisbi oo sharciya.
PUNTLAND POST
You must be logged in to post a comment.