Ciidamo ka tirsan xoogga dalka Soomaaliya oo ku gaashaaman noocyada kala duwan ee gaadiidka dagaalka ayaa saaka u ruqaansaday dhinaca degmada Ceelbuur ee Gobolka Galgaduud halkaas oo ay gacanta ku hayaan Al-shabaab.
Ciidamada dowladda oo ka kooban kuwa horay Gobolka u joogay iyo cutubyo cusub oo shalay gaaray magaalada Dhuusamareeb ayaa doonaya in ay Al-shabaab ka saaraan degmada Ceelbuur iyo degaannada hoosyimaada.
Al-shabaab ayaa horay degmada Ceelbuur looga saaray 24 March 2014 xilligaas oo uu Xasan Sheekh Madaxweyne ka ahaa Soomaaliya balse waxay dib u qabsadeen 3 April 2017 oo ku beegan mudda yar kadib markii Farmaajo la doortay.
PUNTLAND POST