![](https://i0.wp.com/puntlandpost.net/wp-content/uploads/2022/09/20220910_155758.jpg?resize=720%2C540&ssl=1)
Madaxweynaha Puntland Siciid Cabdullaahi Deni, ayaa maanta magacaabay labo wasiir oo ka mid ah Golaha Xukuumadda.
Madaxweyne Deni ayaa Cabdifataax Maxamed Cabdinuur u magacaabay Wasiiru- Dowlaha Madaxtooyada, wuxuuna xilkaas ka qaaday Cabdiraxmaan Cali Axmed oo loo magacaabay bishii Jannaayo ee sanadkan.
Sidoo kale wuxuu Maxamed Cabdirisaaq Dayib u magacaabay Wasiir Ku-xigeenka Wasaaradda Xannaanada Xoolaha, isagoo xilkaas ka qaaday Cabdiweli Seed Cilmi.
Hoos ka akhri wareegtada magacaabista.
Garoowe: 10 September 2022: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 40 ee 10-ka September 2022, kuna saabsan magacaabid Wasiiro ka tirsan Golaha Xukuumadda Dowladda Puntland.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad faqradiisa 5aad.
Marku arkay: Aqoontooda, kartidooda iyo Waayo-aragnimadooda shaqo.
Markuu tixgeliyey: Baahida loo qabo dhamaystirka Golaha Xukuumadda Dowladda Puntland.
Markuu garawsaday: Shaqada baaxadda weyn ee shacabka Puntland ka sugayo xukuumadda.
Marku la tashaday: Madaxweyne Ku-xigeenka Dowladda Puntland
1. Waxaa Cabdifataax Maxamed Cabdinuur loo magacaabay Wasiiru- Dowlaha Madaxtooyada Dowladda Puntland.
2. Waxaa Maxamed Cabdirisaaq Dayib loo magacaabay Wasiir Ku-xigeenka Wasaaradda Xannaanada Xoolaha
3. Xeerkani wuxuu dhaqan geleyaa markuu Madaxweynuhu saxiixo, Wuuna saxiixay.
DHAMMAAD
PUNTLAND POST
You must be logged in to post a comment.