Madaxweynaha Puntland Siciid Cabdullaahi Deni, ayaa amar Madaxweyne ku joojiyay in la iibiyo buugaagta Manhajka Waxbarashada dusgiyada sare ee Puntland, inta dib loo eegayo si loo saxo khaladaadka jira hadda.
Madaxweyne Deni ayaa faray mas’uuliyiinta Wasaaradda Waxbarashada iyo Tacliinta Sare ee Puntland, in la fuliyo amarkan laga billaabo maanta 13 August 2022 illaa amar danbe.
Buugaagta Manhajka Waxbarashada dusgiyada sare ee Puntland, ayaa lagu iibinayay qiimo dhan $55, taas oo ay cabasho xoogga ka muujiyeen shacabku.
Waxayna ku soo beegmatay xilli abaar daran ka jirto Puntland taas oo sababtay in ay waxbarashada ka haraan in ka badan lix kun oo carruur ah islamarkaana xirmeen ilaa 19 iskuul sida ay sheegtay wasaaradda Waxbarashada Puntland.
PUNTLAND POST
You must be logged in to post a comment.