Madaxweyne ku-xigeenka Puntland Axmed Cilmi Cismaan Karaash ayaa maanta daah-furay dayactir lagu sameeyay qeybo ka mid ah laamiga isku xira Garowe iyo Boosaaso.
Wadada Sin-ujiif oo ah halka la daah-furay ayaa la dayactiray 37 biyo mareen iyo 9km oo laami ah, oo ay burburiyeen roobkii Puntland ka da’ay 2019.
Daah-furka wadada waxaa Madaxweyne ku-xigeenka ku weheliyey Wasiirada Maaliyadda, Hawlaha Guud, Haweenka, Warfaafinta, Gudoomiyaha Hay’adda Wadooyinka Puntland, Taliyaha Ciidamada Booliska, Guddoomiyaha Gobolka Nugaal iyo mas’uuliyiin kale.
Sidaan oo kale todobaadkii hore, Puntland waaxay daah-furtay 45-biyo mareen oo laga dayactiray inta u dhexaysa Boosaaso iyo Kalabayr iyo 4-buundo oo ku yaalla deegaanka Qayaadsame.
PUNTLAND POST
You must be logged in to post a comment.