Shil xooggan ayaa xalay ka dhacay laamiga u dhexeeya degaannada Laasa-dawaco iyo Carta oo ka tirsan degmada Carmo ee Gobolka Bari.
Shilka ayaa ka dhashay laba gaari oo isku dhacay waxaana ku dhaawacmay dad gaaraya 12 qof oo isugu jira carruur iyo dad waaweyn sida ay noo xaqiijiyeen saraakiisha Taraafikada Puntland.
Dadka ku dhaawacmay shilkaas ayaa loo qaaday isbitaalka degmada Carmo ee Gobolka Bari halkaas oo lagu dabiibayo xaaladooda caafimaad.
Saraakiisha Ciidanka Ilaalada waddooyinka Puntland oo goobta tegay ayaa sheegay in ay baaritaan ku hayaan wixii sababay shilka.
PUNTLAND POST
You must be logged in to post a comment.