Madaxweynaha dowladda federaalka Soomaaliya Xasan Sheekh Maxamuud ayaa maanta safar uga baxay dalka Isu-tagga Imaaraadka Carabta.
Madaxweyne Xasan Sheekh ayaa la sheegay in uu martiqaad ka helay dhiggiisa dalka Isu-tagga Imaaraadka Carabta Sheekh Maxamed Binu Saayid, wuxuuna safarkiisu qaadan doonaa labo maalmood.
Qoraal ka soo baxay madaxtooyada Soomaaliya ayaa lagu yiri “Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hoggaaminayo oo martiqaad rasmi ah ka helay dhiggiisa dalka Isu-tagga Imaaraadka Carabta Sheekh Maxamed Binu Saayid ayaa ka ambabaxay magaalada Muqdisho”.
“Safarka Madaxweynaha oo labo maalmood qaadan doona ayaa ku qotoma xoojinta xiriirka diblomaasiyadeed ee labada dal, fududeynta isu-socodka, ganacsiga iyo sare u qaadidda iskaashiga labada waddan” ayaa qoraalka lagu daray.
Waa safarkii ugu horreeyay oo Madaxweyne Xasan dalka dibadiisa uga baxo, tan iyo markii la doortay 15kii Maajo ee sanadkan.
PUNTLAND POST
You must be logged in to post a comment.