Maxkamadda derejada kowaad ee degmada Qardho ayaa maanta bilowday dhegaysiga dacwadda loo haysto maxaabiis ku eedaysan dilkii marxuum Sharma’arke Warsame Nuux.
Fadhigii kowaad ee maxkamadda ayaa maanta lagu dhegaystay dacwadda shanta maxbuus ee ku eedaysan in ay xabsiga magaalada Qardho ku dhex dileen marxuum Sharma’arle.
Xeer ilaalinta ayaa maxkamadda hor-keentay caddaymaha laga duubay shanta eedaysane oo dhammaantood qirsan dilkaas.
Sidoo kale qareenka u doodaya eedaysanayaasha ayaa codsaday in la siiyo wakhti dheeriya oo uu ku diyaarsado jawaabta kiiska.
Maxkamadda ayaa ugu danbayn go’aamisay in dhegaysiga dacwadda dib la isugu soo laabto Axadda todobaadka soo socda si wakhti loo siiyo qareenka u doodaya eedaysanayaasha.
PUNTLAND POST
You must be logged in to post a comment.