Maxkamadda derejada kowaad ee magaalada Garoowe ayaa lagu wadaa in ay saaka bilowdo dhegaysiga dacwad ku saabsan dhoofinta dhirta geed-quwaaxa oo ay ku eedaysan yihiin dad kala duwan.
Nin ku eedaysan mashruuca dhoofinta geed-quwaaxa oo gacanta lagu hayo ayaa sida wararku sheegayaan ka shifay xog sir ah oo muujinaysa in wasiiro iyo xildhibaanno ka tirsan Puntland ay ku lug-leeyihiin mashruucaas.
Maxkamadda ayaa la filayaa in ay saaka bilowdo dhegeysiga garmaqalka kowaad ee ninkan ku eedaysan dhoofinta geed quwaaxa islamarkaana qirsan in mas’uuliyiinta dowladda qaarkood ku lug-leeyihiin kiiskaas.
Baaritaan hordhac ah oo lagu sameeyay eedaysanaha xiran ayaa lagu ogaaday magacyada wasiiro iyo xildhibaanno ka tirsan Puntland oo ku eedaysan dhoofinta geed-quwaaxa.
Waxaanse weli caddayn sida loo wajahayo dacwaynta mas’uuliyiinta xasaanadda leh ee lagu eedeeyay in ay ku lug leeyihiin dhoofinta dhirta.
PUNTLAND POST