Diiwaan-gelinta musharrixiinta u tartamaya xilka madaxweynaha Soomaaliya ayaa maalintii saddexaad ka socota magaalada Muqdisho.
Guddiga qaabilsan doorashada madaxweynaha ayaa xalay sheegay in diiwaan-gelinta musharrixiintu ay socon doonto ilaa 4:00PM ee maanta oo Talaado ah.
In ka badan 30 musharrax ayaa isu diiwaan-geliyay doorashada xilka madaxweynaha Soomaaliya labadii maalmood ee la soo dhaafay waxaana la filayaa in ay maanta is diiwaan-geliyaan musharrixiinta harsan.
Musharrixiinta lagu wado in ay maanta is diiwaan-geliyaan waxa kamid ah madaxweynaha Puntland Siciid Cabdullaahi Deni oo horay u shaaciyay in uu u tartamayo xilkaas.
PUNTLAND POST