Guddi ka kooban cuqaal iyo isimo, oo ku hawllan xallinta colaaddii Saax-maygaag iyo Sanga-jebiye, ayaa si rasmiya u shaaciyay shir weyne ku saabsan nabadaynta dhinacyadii ku dagaallay degaannadaas.
Guddiga ayaa sheegay in shirweynaha la qaban doono 23-da bishaan October 2021, islamarkaana lagu qaban doono caasimadda Garoowe.
Labada dhinac ee ku dagaallamay Saax-maygaag, ayaa laga codsaday in ay soo gudbistaan guddi ka kooban 25 xubnood oo ku matala shirweynaha nabadaynta.
Sidoo kale, dhinacyada waxa lagu adkeeyay hirgelinta xabad-joojintii laga gaaray colaadda, si loo dhammaystiro hawlaha nabadaynta.
Fiqi Cabdinaasir Maxamuud Mire ayaa akhriyay go’aannadaas
PUNTLAND POST