Madaxweyne Deni oo Magacaabay Agaasimeyaal Guud

Madaxweynaha Puntland Siciid Cabdullaahi Deni ayaa Agaasimeyaal guud oo cusub u magacaabay Wasaaradaha Shaqada, Shaqaalaha, Dhalinyaradda & Ciyaaraha iyo Amniga iyo DDR-ta

Madaxweyne Deni ayaa xilka ka qaaday Agaasimihii Wasaaradda Shaqada, Shaqaalaha, Dhalinyaradda & Ciyaaraha, Axmed Tigaana Cabdalla oo muddo dheer hayay xilkaas, wuxuuna u magacaabay Jaamac Xasan Cabdule.

Sidoo kale madaxweynaha Puntland ayaa Agaasimaha Guud ee Wasaaradda Amniga iyo DDR-ta u magacaabay Maxamed Imaan Cabdulle, oo xilkaas muddo kusime u hayay.

_{Hoos ka akhriso wareegtada magacaabista}

Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 23 ee 19ka August 2021, kuna saabsan magacaabid Agaasimayaal Guud.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80aad.

Markuu arkay: Aqoontooda, kartidoodaiyo waaya-aragnimadooda shaqo.

Markuu arkay: Baahida loo qabo horumarinta iyo dardar gelinta shaqooyinka Dowladda.

Markuu la tashaday: Madaxweyne Ku-xigeenka Dowladda Puntland

Wuxuu xeeriyey:

1. Waxaa Jaamac Xasan Cabdule loo magacaabay Agaasimaha Guud Wasaaradda Wasaaradda Shaqada, Shaqaalaha, Dhalinyaradda & Ciyaaraha Dowladda Puntland.
2. Waxaa Maxamed Imaan Cabdulle loo magacaabay Agaasimaha Guud Wasaaradda Amniga iyo DDR-ta Dowladda Puntland.

• Xeerkani wuxuu dhaqan gelayaa markuu Madaxweynuhu saxiixo, wuuna saxiixay.

DHAMMAAD