Wadada Jalam iyo Xarfo ayaa xirnayd muddo ku dhow 4 sano
Wasaaraadda Maaliyadda Puntland ayaa maanta shirkadda Isxilqaan oo ay u xirnay qeyb kamid ah wadada Garowe iyo Gaalkacyo siisay lacag dhan $750.000.
Lacagtan ayaa la sheegay in ay kamid tahay $1,800,000 oo shirkadda ka galay wadada u dhexaysa Jalam iyo Xarfo, halka inta kalana Wasaaraadda Maaliyadda saxiixday in ay bil walba bixinayso $150.000.
Lacagta la siiyay Isxilqaan
Shirkadda Isxilqaan oo wadadu u xirnayd muddo ku dhow 4 sano ayaa hadda banaynaysa, waxaana tartan cusub loo geli doonaa dhismaha wadada Garowe iyo Gaalkacyo.
Mashruuca dhismaha wadada Garowe iyo Gaalkacyo oo maalgelinayay Midowga Yururb oo wakiil u ahayd hay’adda GIZ ee Jarmalka ayaa istaagay 2018, markii uu hareeyay musuqmaasuq.
Balse dowladda uu hoggaamiyo madaxweyne Deni iyo Midowga Yurub ayaa kawada xaajooday dib u bilaabista mashruuca, iyadoo la isku afgartay in la saxo wixii khaldamay.
Midowga Yurub ayaa hadda mashruuca dhismaha wadada Garowe iyo Gaalkacyo u wakiishay hay’adda UNOPS.
PUNTLAND POST
You must be logged in to post a comment.