Al-shabaab ayaa in ka badan 20 hoobiye ku garaacay tuulada Galgala oo ku taalla buuraleyda Calmadow ee gobolka Bari.
Duqeynta oo dhacday gabal-dhicii maanta oo Isniin ahayd, waxaa ku dhintay hal askari oo ka tirsan Puntland, sida uu Puntland Post u xaqiijiyay mid ka mid ah saraakiisha ciidamada Puntland ee halkaas ku sugan oo codsaday in aan magaciisa la xigan.
Tuulada Galgala waxaa ku nool dad tiro yar oo u badan beeraleey iyo ciidamada Puntland oo ku leh saldhigyo ciidan.
Puntland iyo Al-shabaab ayaa tan iyo 2010 ku dagaalamayay buuraleyda Galgala ee gobolka Bari.
Markii ugu dambeysay oo ciidamada Puntland gacan ku haynta magaalada Galgala kala wareegeen Al-shabaab ayaa ahayd Agoosto 2014.
PUNTLAND POST
You must be logged in to post a comment.