Madaxweynaha Jubaland Axmed Maxamed Islaam ayaa maanta hoyga uu ka deganyahay Muqdisho ku qaabilay Guddoomiyaha Aqalka Sare ee Soomaaliya Cabdi Xaashi Cabdillaahi.
Kulanka labada mas’uul ayaa looga hadlay xal u helidda muranka Arrimaha Doorashooyinka Soomaaliya iyo shirka ku saabsan Doorashada oo la filayo in uu dhowaan ka qabsoomo Muqdisho.
Shirka oo u dhexeeya Dowladda Federaalka iyo Dowlad Goboleedyada dalka oo uu weheliyo Maamulka Gobolka Banaadir waxaa lagu turxaan-bixin doona Heshiiskii Arrimaha Doorashada ee 17-kii September.
“Madaxweynahu wuxuu tan iyo markii uu soo gaaray Magaalada Muqdisho waday dadaal la xiriira arimaha Doorashada, isagoo kulamo la qaatay dhinacyada ay qusayso taas oo gogol xaar u ah shirka dhawaan ka dhici doona Magaalada Muqdisho.”
PUNTLAND POST