Madaxweyne Donald Trump ayaa maanta oo Isniin ah saxiixay gargaar dhaqaale oo ka kooban $900 oo bilyan oo dollar oo lagu caawinayo shacabka iyo Ganacsiyada uu saameeyay xanuunka COVID-19.
Mr Trump ayaa sharcigan saxiixay kadib toddobaad uu diidanaa, oo uu cadaadis xooggan kala kulmayey Xeer-dejiyayaasha dimoqraadiga iyo kuwa xisbigiisa Jamhuuriga.
Trump oo xilka ka degaya 20-ka Jannaayo ee sannadka 2021 ayaa markii hore dalbanayay in lacagta loogu talo-galay shacabka oo ah $600 oo Dollar qofkiiba laga dhigo 2,000, si uu u saxiixo sharciga.
Xubnaha dimoqraadiga ayaa ogolaaday dalabkiisa una diyaar ahaa inay lacagta korrdhiyaan, balse waxaa ka horyimid sharci-dejiyayaasha Jamhuuriga.
Xubnaha dimoqraadiga ayaa ballan-qaaday in garagaar kale oo dheeri ah uu iman doono marka uu talada la wareego madaxweynaha la doortay Joe Biden waxase jirta in Jamhuuriga weli aysan caddayn mowqifkooda.
PUNTLAND POST
You must be logged in to post a comment.