Midowga Murashixiinta Muqdisho ayaa walaac xooggan ka muujiyay xiisadda colaadeed ee ka aloosan magaalada Beledweyne ee Xarunta Gobolka Hiraan.
Qoraal ka soo baxay Golaha Midowga Murashixiinta Doorashada 2020/2021, ayaa lagu sheegay in Madaxweyne Farmaajo iyo Taliska Nabad-sugidda NISA, ay xiisad colaadeed ka abuureen Gobolka Hiraan, gaar ahaanna magaalada Beledweyne.
Goluhu wuxu sheegay, in dowladda Federaalka Soomaaliya ay colaad ka dhex abuurtay Beelaha wada-deggan Dowlad Goboleedka Hirshabeelle, taasina ay dhaawac daran u gaysatay dhismaha Hirshabeelle loo dhanyahay.
Golaha Midowga Murashixiintu, wuxuu dowladda Federaalka ka dalbaday in ay joojiso Isku-dirka iyo Colaadda ay ka dhex waddo Beelaha wada-deggan Hirshabeelle, islamarkaana mas’uuliyad iska saarto Xallinta Tabashada Shacabka Beledweyne.
Halkaan ka akhriso Qoraalka
PUNTLAND POST
You must be logged in to post a comment.