London (PP) — Degmada Ealing oo ku taalla Galbeedka London ayaa magaca ka beddeshay waddada Havelock Road . Magaca cusub ee waddadu waa Guru Nanak Road. Guru Nanak waa ninkii asaasay diinta Siingasiingaha (Siikha).
General Henry Havelock wuxuu la dagaallamay Siikhii ka horjeeday gumeysiga Biritishka. Havelock wuxuu ugu dambeyntiin soo afjaray kacdoonkii Siikha.
“Henry Havelock wuu ku sii jiri doonaa taariikhda Biritayn hase ahaatee qoyka ka soo jeeda fikrad kale oo aad uga duwan tiisii bay qabaan. Anigoo ka soo jeeda Henry Havelock waxaan ku faraxsanahay in la iftiimiyo kaalinta iyo saameynta Siikhu ku leeyihiin dalkan Biritayn” ayay Emily Mckenzie ku qortay Twitterka.
Meesha waddadu ku taallo waa xaafadda Southall oo loo yaqaan ‘Little India”. Soomaali badan ayaa xaafadda ku nool. Waa xaafadda uu ku yaallo macbadka ugu weyn ee Siikha.
© Puntland Post, 2020
You must be logged in to post a comment.