Puntland: Dowladda oo joojisay qaadashada Shillinka Soomaaliga

Dowladda Puntland ayaa joonisay in ay canshuur ku qaado lacagta Shillinka Soomaaliga, iyadoo degaannada Puntland sicir barar ba’an ka jiro.

Wareegto ka soo baxaday madaxweyne Deni ayaa lagu amray Wasaaradda Maaliyadda in aan kastamka Dekedda Boosaaso, cashuurta dowladda lagu qaadi karin lacagta shillinka Soomaaliga.

Wareegtada ayaa lagu sheegay in tallaaban la qaaday iyadoo laga duulayo talo bixinta Guddiga dowladdu u xilsaartay sicir-bararka, laga billaabo 1-da December 2020.

Hoos ka akhriso wareegtada

Garoowe, 30, November, 2020: Madaxweynaha Dowladda Puntland Mudane Siciid Cabdullaahi oo tixraacaya talo-bixinta Guddiga dowladdu u xilsaartay sicir-bararka ayaa ku amray Wasaaradda Maaliyadda Puntland in aan kastamka Dekedda Boosaaso, cashuurta Dowladda lagu qaadikarin lacagta shillin Soomaaliga.

Ku: Wasaaradda Maaliyadda Dowladda Puntland

Og: Xisaabiyaha Guud Ee Dowladda Puntland

Og: Hanti Dhowrka Guud Ee Dowladda Puntland

Og: Bangiga Dowladda Puntland

Ujeeddo: Joojin Qabashada Shillin Soomaaliga ee cashuurta Kastamka Dekedda Boosaaso.

Iyadoo laga duulayo talo bixinta Guddiga Dowladdu u xilsaartay sicir-bararka. Laga billaabo 1-da December 2020, waxaa la joojiyey in aan kastamka Dekedda Boosaaso, canshuurta Dowladda lagu qaadi-karin lacagta Shillin Soomaaliga.

Fulin wacan

Siciid Cabdullaahi Deni
Madaxweynaha Dowladda Puntland

DHAMMAAD

PUNTLAND POST