Hay’adda Qaxootiga Qaramada Midoobe ee UNHCR, ayaa sheegtay in dadka Qaxootiga ee ka baxsanaya dagaalka waqooyiga itoobiya ay sii kordhayaan.
UNHCR, waxay tilmaantay in haatan 40,000 ay kor u dhaafeen dadka Qaxootiga ee gaaray bariga waddanka deriska ah ee Suudaan.
Labadii maalmood ee ugu danbaysay, waxaa xadka Suudan gaaray 5,000 oo qof, kuwaas oo caruur iyo haween u badan .
Hay’adda UNHCR waxay sheegtay in 300 oo caruur ah oo aad u nafaqo daran hadda la quudiyo, islamarkaana la siinayo daryeel caafimaad.
Qaxootigaas, waxaa la siiyaa cuno bisil, waxaana loo sameeyay goobo biyo ay ka cabaan iyo musqulo .
PUNTLAND POST
You must be logged in to post a comment.