Xarunta Madaxtooyada Puntland ee magaalada Gaalkacyo, waxa shalay ka qabsoomay Shir ku saabsan dardar-gelinta Amniga Gaalkacyo iyo guud ahaan degmooyinka Gobolka Mudug ee Puntland.
Shirka waxa ka qayb-galay, dhammaan Xubnaha Guddiga Amniga Gobolka Mudug ee dhinaca Puntland iyo Wasiiro ka tirsan Xukuumadda Puntland, oo uu hoggaaminayo Wasiirka Arrimaha Gudaha Maxamed Cabdiraxmaan Dhabancad.
Shirkaas waxa looga hadlay dardar-gelinta Amniga Gobolka Mudug, xoojinta wada shaqaynta hay’adaha Dowladda iyo bulshada iyo Dardar-gelinta howlaha shaqo ee Horyaala Guddiga Amniga Gobolkaas.
Magaalada Gaalkacyo iyo guud ahaan Gobolka Mudug, waxa muddooyinkii u dambeeyay ka socday hawlgalo lagu xaqiijinayo Amniga, oo ay fulinayaan Laamaha kala duwan ee Ciidamada, oo kaashanaya hay’adda Nabad sugidda iyo Sirdoonka Puntland ee PISA.
PUNTLAND POST
You must be logged in to post a comment.