Madaxweynaha Dowlad Goboleedka Koonfur Galbeed Soomaaliya Cabdicasiis Xasan Maxamed (Lafta gareen) ayaa magaalada Baydhabo ee xarunta kumeel gaarka u ah Koonfur Galbeed kulan kula qaatay Maareeyaha Hay’adda Batroolka Soomaaliya iyo wafdi uu hogaaminayo oo halkaasi gaaray.
Xarunta Madaxtooyada oo ka qabsoomay kulanka ayaa Madaxweynaha Koonfur Galbeed soo dhoweyey wafdiga, waxaana uu ka dhegaystay Qorshaha safarkooda Baydhabo iyo hawlaha uga degsan soo saarida Batroolka, sida lagu sheegay Qoraal ka soo baxay Madaxtooyada Koonfur Galbeed.
Guddoomiyaha Mareeyaha hay’adda Eng Ibraahim Cali Xuseen ayaa warbixin ku saabsan safarkooda Baydhabo ka siiyey Madaxweynaha Dowlad Goboleedka Koonfur Galbeed Cabdicasiis (Lafta gareen) waxaana uu sheegey in uu yahay Safar ay ku xoojinayaan wada shaqaynta Wasaaradda Batroolka Koonfur Galbeed iyo Hay’adda si wadajir ah looga qeyb qaato soo saaridda Batroolka.
Madaxweynaha Koonfur Galbeed Mudane Cabdicasiis Xasan Maxamed Lafta gareen ayaa uga mahadceliyey Guddiga Hay’adda Batroolka Socdaalka ay Baydhabo ay ku tageen, waxaana uu ku bogaadiyey muhiimadda dalka ay uleedahay soo saaridda kheyraadka .
PUNTLAND POST
You must be logged in to post a comment.