Maanta galinkii dambe waxaa magaalada Muqdisho ka dhacay qarax ismiidaamin ah oo geystay dhimasho iyo dhaawac.
Sida la sheegay qof isku soo xiray waxyaabaha qarxa ayaa isku qarxiyay meel u dhow baar Bulsho, nawaaxiga taalada Sayidka ee degmada Howlwadaag.
Qaraxa ayaa waxyeelo ka soo gaartay dad rayid ah, waxaana dhaawac soo gaaray markii dambe u geeriyooday 3 qof oo isku qoys ah.
Qaraxa ayaa inta badan jugtiisa laga maqlayey magaalada Muqdisho, waxaana masuuliyadiisa sheegatay kooxda Al-shabaab.
Qaraxan ayaa ku soo aaday, iyadoo xaaladda amniga magaalada Muqdisho wanaagsaneyd muddooyinkii dambe.
PUNTLAND POST