Xukuumadda Puntland, ayaa saamileyda siyaasadda dalka ku casuntay, Shir weyne looga tashanayo xaaladda Siyaasadeed ee dalka, gaar ahaanna khilaafka ka taagan Arrimaha doorashooyinka heer Federaal.
Qodob kamid ah War-murtiyeed ka soo baxay Shirka Wada-tashiga Puntland, oo Galabta lagu soo geba-gabeeyay magaalada Garoowe, ayaa lagu sheegay in Puntland ay Shir weyne Wada-tashiya ku casuntay saamileyda siyaasadda Soomaaliya, si looga tashado khilaafka labada dhinac iyo arrimaha doorashooyinka soo socda ee 2020/2021.
Sidoo kale, Puntland waxay qaaddacday Sharciga doorashooyinka heer Federaal oo ay ansixiyeen labad Aqal ee Baarlamanka Soomaaliya, uuna saxiixay madaxweyne Farmaajo, Sharcigaas oo Puntland ku tilmaantay mid baal-marsan Dastuurka iyo Shuruucda dalka, islamarkaana dalka ku celinaya Nidaamka 4.5 ee Saami qeybsiga Beelaha.
PUNTLAND POST