Saraakiisha Ciidamada dowladda Federaalka Soomaaliya ee ku sugan Degmada Xudur Gobolka Bakool ayaa waxaa ay sheegeen in uu isku soo dhiigay Sarkaal in muddo ah ka tirsanaa dagaalamayaasha Al-shabaab.
Sarkaalkaas ay soo bandhigeen Ciidamada Militariga dowladda Soomaaliya oo magaciisu yahay Colaad Cabdiraxmaan ayaa sheegay in uu Al-shabaab ku biiray sanadkii 2009-kii.
Sidoo kale Colaad Cabdiraxmaan ayaa sheegay in uu Al-shabaab u qaabilsanaa dhanka waddista gaadiidka.
Guddoomiyaha Degmada Xudur ee Gobolka Bakool Ibraahim Isaaq Ibraahim oo warbaahinta la hadlay ayaa waxaa uu sheegay in Colaad baaritaano dheeraad ah lagu samayn doono si loo hubiyo.
Saraakiisha Ciidamada dowladda Federaalka ayaa horay dhawr jeer soo bandhigay Saraakiil iyo dagaalyahano ka soo goosatay Al-shabaab kuwaas oo isku dhiibay ciidamada dowladda.
PUNTLAND POST
You must be logged in to post a comment.